O Eixo Atlántico lidera este programa, que reuniu aos seus socios na rexión de Tokaj, Hungría
O proxecto europeo Epicah continúa coas súas actividades para o impulso do turismo de fronteira. Representantes do oito entidades que participan neste proxecto reúnense estes días en Tokaj, Hungría, para a promoción do turismo nas rexións de fronteira como elemento de desenvolvemento, conservación e promoción do patrimonio cultural e natural.
En concreto, o programa inclúe reunións de socios, sesións con expertos en turismo das rexións socias, con stakeholders húngaros, así como visitas ao patrimonio natural e cultural, e un seminario sobre diferentes formas de capitalizar os recursos turísticos, ilustrado con exemplos da rexión anfitrioa. Neste sentido destacaron as intervencións do director xeral do Consello de Desenvolvemento da Rexión Vitinícola de Tokaj, do representante do secretariado de Interreg Hungría-Eslovaquia, así como do presidente do Consello da Denominación de Orixe Tokay e do secretario xeral do Eixo Atlántico, Xoán Vázquez Mao.
Este proxecto, enmarcado no programa Interreg Europe, pretende promover a mellora das políticas e instrumentos de cooperación transfronteiriza como ferramentas de desenvolvemento e protección do patrimonio cultural e natural. Para iso, cada socio traballa en estreita colaboración cos actores da cooperación transfronteiriza no seu territorio, así como coa autoridade de xestión do seu programa de cooperación correspondente.
Os socios participantes no proxecto EPICAH son: AIMRD (España), TOKAJ (fronteira Eslovaquia/Hungría), ASEV (fronteira Italia/Francia. Fronteira marítima), RWM (Grecia. Fronteiras exteriores), Peipsi (Eurorrexión Estonia-Lituania), Pilsen (Fronteira Alemaña- República Checa), Satu Mare (Fronteira Rumania/ Hungría) e Eixo Atlántico (Eurorrexión Galicia-Norte de Portugal).